La conmemoración d'esti día nun ye más qu' un intentu institucional d' establecer a nivel mundial una xornada de reflexón acerca del papel que desendolca la muyer dientru del sistema. Na mayoría los casos, del sistema capitalista. Esti sistema nun sólo perxudica de manera direuta al proletariau, sinon que supón una doble opresión pa les muyeres, a nivel económicu ya identitariu.
La muyer enxamás llegará ser llibre dende' l capitalismu, que oprimela como ser inferior, tratada como un elementu de menor capacidá en cuantu a la fuerza del so trabayu y la so capacidá de cambiu nel orde públicu y privau. Anulando toa posibilidá d'independencia al traviés de los mecanismos económicos y de les polítiques d' emplegu que precaricen el so poder y a la vez la so condición como ser independiente de cualesquier unidá externa social asigná pol so rol asignau altraviés de los tiempos como muyer cuidaora.
La muyer tien que reinvindicar el so papel dientru la llucha de clase por un orde políticu xustu pala so condición como muyer trabayaora, como muyer y como proletaria, como pieza necesaria dientru'l sistema de producción de riqueza. Esto tien que ser mediante la llamada a la reapropiación y lliberación del espaciu públicu como escenariu de la so llucha y les sos protestes, fasta llegar al cambiu. Un guelpe facia la istitucionalización que empeñase n'empequeñecer el papel que les muyeres poseen dientro del desendolcu social.
Faese polo tanto imprescindible que pa la total emancipación de la muyer, produzcase un cambiu de sistema, dao que la igualdá nun ye algo factible dientru la hexemonía heteropatriarcal imperante que caracteriza' l capitalismu, pretendiendo incrustar a les muyeres dientru d' un orde falocráticu y d' un sistema patriarcal que nun les representa, que nun respeta los sos drechos, pero que se quier facer llamar igualitariu y llibre.
Dende la UHP apostamos por que'l día de la muyer sea toos los días del añu, por que cada día sea una xornada de llucha pola conquista de drechos que pertenez a la muyere como coleutivu y como individuxs políticxs activxs. Pol drechu a escoyer sobre los nuesos propios cuerpos, sobre los nuesosdrechos reproductivos, la nuesa calidá de vida, la nuesa igualdá económica salarial, la nuesa independencia de los llímites que nos confiere el patriarcau capitalista facia'l ámbitu públicu. Basta de agresiones físiques, psicolóxiques y polítiques a la muyer, alimentaes por esti sistema que nos fraya como suxetos inválidos. Tenemos que llamar al cambiu dende el feminismo, porque la Revolución sedrá feminista o nun sedrá.
Basta ya de capitalismu! Basta de violencia facia la muyer y les sos llibertaes!
Lara A. Miranda
